Lo
ມະຫາວິທະຍາໄລກະສິກຳ ແລະ ເຕັກໂນໂລຊີແຫ່ງລັດ ປຣີມໍຊະກີ (Primorsky GATU)
ນັບແຕ່ປີ ຄ.ສ 1957 ໄດ້ປ່ຽນຈາກການເປັນສະຖາບັນ ມາສູ່ການເປັນມະຫາວິທະຍາໄລ, ສະຖາ ບັນການສຶກສາຂອງພວກເຮົາເປັນມະຫາວິທະຍາໄລກະສິກຳທີ່ຢູ່ທາງຕາເວັນອອກສຸດຂອງຣັດເຊຍ, ເຊິ່ງໄດ້ ຝຶກ ອົບຮົມນັກສຶກສາໃຫ້ເປັນຜູ້ຊ່ຽວຊານທີ່ມີຄຸນນະພາບສູງ ມີຄວາມຮູ້ເລິກເຊິ່ງ ແລະ ທັກສະການປະຕິບັດໃນດ້ານກະສິກຳ ແລະ ປ່າໄມ້. ໂຄງການການສຶກສາຂອງພວກເຮົານັ້ນເຕັມໄປດ້ວຍຄວາມຮູ້ ແລະ ນະວັດຕະກຳທີ່ກ້າວໜ້າ, ເຊິ່ງຈະ ຊ່ວຍໃຫ້ຜູ້ທີ່ສຳເລັດການສຶກສາສາມາດມີສ່ວນຮ່ວມໃນການສະໜັບສະໜູນການພັດທະນາກະສິກຳ ແລະ ປ່າໄມ້ທົ່ວໂລກ. ເຮົາໄດ້ຝຶກອົບຮົມບັນດາຜູ້ນຳຄົນທີ່ພ້ອມທີ່ຈະຮັບມືກັບຄວາມທ້າທາຍ ແລະ ໃຊ້ແນວທາງການປະຕິບັດ ທີ່ດີທີ່ສຸດ ເພື່ອບັນລຸຄວາມໝັ້ນຄົງດ້ານອາຫານ.
ອະທິການບໍດີຂອງມະຫາວິທະຍາໄລ ທ່ານ ອັງເດຣ ແອດູອາຣໂດວິຈ ໂກມິນ, ຜູ້ສະໝັກສາຂາວິຊາ ວິທະຍາ ສາດກະສິກຳ, ແລະ ສະມາຊິກຄະນະກຳມາທິການ ຂອງສະຖາບັນການສຶກສາດ້ານການກະສິກຳສາກົນ.
ມະຫາວິທະຍາໄລ ປະກອບມີສະຖາບັນ 4 ແຫ່ງ (ການສຶກສາຊັ້ນສູງ) ແລະ ວິທະຍາໄລ (ອາຊີວະສຶກສາ ມັດທະຍົມ):
- ສະຖາບັນວິຊາການຈັດການທີ່ດິນ ແລະ ເຕັກໂນໂລຊີກະສິກຳ
ເຊິ່ງຍົກລະດັບຄວາມຮຸ້ໃຫ້ນັກສຶກສາເປັນຜູ້ຊ່ຽວຊານ ດ້ານກະສິກຳ; ເຕັກໂນໂລຊີການຜະລິດ ແລະ ປຸງແຕ່ງຜະລິດ ຕະພັນ ກະສິກໍາ; ການຈັດການທີ່ດິນ; ເສດຖະສາດ ແລະ ການສອນ ເຊິ່ງມີພື້ນທີ່ສະໜາມຝຶກສອນ (300 ເຮັກຕາ). ໄລຍະເວລາຂອງການສຶກສາແມ່ນ 4 ປີ.
- ສະຖາບັນວິຊາການລ້ຽງສັດ ແລະ ສັດຕະວະແພດ
ເຊິ່ງຍົກລະດັບ(ຝຶກອົບຮົມ) ນັກສຶກສາ ໃຫ້ເປັນຜູ້ຊ່ຽວຊານດ້ານການ ລ້ຽງສັດ, ສັດຕະວະແພດ ສາດ ແລະ ການກວດກາສັດຕະວະແພດ ແລະ ສຸຂາພິບານ. ສະຖາບັນດັ່ງກ່າວມີຄລີນິກສັດຕະວະແພດ, ສູນກວດພະຍາດສັດ ແລະ ລ້ຽງເຜິ້ງ. ໄລຍະເວລາ ຂອງການສຶກສາແມ່ນ 4-5 ປີ.
- ສະຖາບັນປ່າໄມ້
ເປີດສອນລະດັບປະລິນຍາຕີ ແລະ ປະລິນຍາໂທ ສາຂາປ່າໄມ້ ເຊິ່ງສະຖາ ບັນມີພື້ນ ທີ່ປ່າໄມ້ 29.000 ເຮັກຕາ ແລະ ສວນກ້າໄມ້ມີເນື້ອທີ່ 11 ເຮັກຕາ. ໄລຍະເວລາຂອງການສຶກສາແມ່ນ 4 ປີ.
- ສະຖາບັນວິສະວະກຳ ແລະ ເຕັກໂນໂລຊີ
ເຊິ່ງຝຶກອົບຮົມໃຫ້ນັກສຶກສາເປັນຜູ້ຊ່ຽວຊານດ້ານວິສະວະກຳ, ການຈັດການທຳມະຊາດ ແລະ ການນໍາໃຊ້ນໍ້າ. ໄລຍະເວລາຂອງການສຶກສາແມ່ນ 4 ປີ.
ນັກສຶກສາມີໂອກາດທີ່ຈະສືບຕໍ່ການສຶກສາໃນລະດັບທີ່ສູງກວ່າປະລິນຍາຕີຂອງມະຫາວິທະຍາໄລໃນ ສາຂາຕໍ່ໄປນີ້: “ກະສິກຳທົ່ວໄປ ແລະ ການປູກພືດ”; “ປ່າໄມ້, ການປູກພືດປ່າ, ກະສິກຳ, ການຈັດສວນ, ວິທະຍາປ່າໄມ້ ແລະ ການເກັບພາສີ”; “ ພະຍາດວິທະຍາ (Pathology), ສັນຖານວິທະຍາ (Morphology), ສະລີລະວິທະຍາ (Physiology), ເພສັດວິທະຍາ (Pharmacology) ແລະ ພິດວິທະຍາ (Toxicology) ຂອງສັດ”; “ເຕັກນິກສະເພາະດ້ານການລ້ຽງສັດ ການໃຫ້ອາຫານ, ເຕັກໂນໂລຊີການກະກຽມອາຫານ ແລະ ການຜະລິດສິນຄ້າລ້ຽງສັດ”; “ເຕັກໂນໂລຊີ, ກົນຈັກ ແລະ ອຸປະກອນສຳລັບອຸດສາຫະກຳກະສິກຳ”; “ເສດຖະ ກິດພາກພື້ນ ແລະ ຂະແໜງການ”.
- ວິທະຍາໄລເຕັກໂນໂລຊີກະຊິກຳ
ຝຶກອົບຮົມນັກສຶກສາໃຫ້ເປັນຜູ້ຊ່ຽວຊານດ້ານການຈັດ ການປ່າໄມ້ ແລະ ສວນປ່າ, ຜູ້ຊ່ວຍສັດຕະວະແພດ, ຜູ້ດຳເນີນການຍານພາຫະນະທາງອາກາດທີ່ບໍ່ມີຄົນຂັບ, ກົນຈັກ, ຜູ້ຊ່ຽວຊານດ້ານການລ້ຽງສັດ ແລະ ຜູ້ຊ່ຽວ ຊານດ້ານການຄ້າ. ການຝຶກອົບຮົມແມ່ນໄດ້ຈັດຂຶ້ນບົນພື້ນຖານຂອງຊັ້ນມັດທະຍົມທີ 4 ແລະ 6.
ນອກຈາກນັ້ນມະຫາວິທະຍາໄລຍັງໄດ້ຈັດຕັ້ງຫຼັກສູດກຽມພາສາຣັດເຊຍສຳລັບຄົນຕ່າງປະເທດ(ໄລຍະເວລາຝຶກອົບຮົມແມ່ນ 1 ປີ).
ທີ່ຢູ່ຂອງພວກເຮົາ:
692510, ຣັດເຊຍ, Primorsky Krai, Ussuriysk, Blukhera Ave., 44
ໂທ/ແຟັກ: + 007 (4234) 26-33-91
E-mail: mo-pgsha@yandex.ru
